97
Si spietin ospits innomenâts, i campions olimpics Gabriella Paruzzi, Silvio Fauner, Pietro Piller Cottrer, Manuela e Giorgio Di Centa, pal dopli apontament a Plancjaval, che dai 8 ai 10 di Març al darà acet ai miôr atletis de Italie sot dai 14 agns, in gare in diferentis competizions di schi di fonts. Tes stessis zornadis dai Campionâts talians de categorie “Ragazzi” a saran ancje lis garis de “Coppa Italia Rode”, cu la presince di atletis senior, sot dai 23 agns e di chei che no fasin la Cope dal mont. Un fin di setemane plen, inmaneât dal Sci Club Panorama, che al viodarà cuasi 600 personis tra atletis, tecnics, dirigjents, assistents, fameis e volontaris. (A.I.) – 07.03.2024
