Chiara Carminati e i “fîs de vuere”

E va indevant cuntune propueste leterarie al feminin la rassegne “A casa con Margherita” (A cjase cun Margarite), in program te Cjase Maccari di Gardiscje. Sabide ai 9 aes 5.30 dopomisdì e sarà protagoniste la poetesse e scritore Chiara Carminati, autore dal romanç “Nella tua pelle”: e dialogarà cu la gjornaliste Margherita Reguitti, curadore de manifestazion. E sarà une continuazion ideâl de zornade dedicade aes feminis par imerzisi cun Carminati intes pagjinis dal so romanç, centrât su lis vitis veris di frutis e fruts “fîs de vuere”. (A.I.) – 08.03.2024