Lis sculturis di Condello: riflessions sul dì di vuê

Si scree sabide ai 9 li dal Magazzino 26 dal Puart Vecjo di Triest la mostre di Calogero Condello. “Pensiero tridimensionale. Classicità e futuro” (Pinsîr tridimensionâl. Classicitât e avignî), presentade di Marianna Accerboni. In mostre une secuence inmagante di instalazions tridimensionâls realizadis dal artist furlan intai ultins agns. Lis sôs sculturis no rapresentin vôs unichis, ma espressions corâls origjinâls, là che l’autôr al esprim lis propriis riflessions su tancj aspiets dal nestri cuotidian, in particolâr la narazion simboliche su la vuere e sul intosseament, problemis che a condizionin in mût negatîf la nestre esistence.  (A.I.) – 08.03.2024