Musiche classiche e vin: si tache a Cormons

Si vierç domenie ai 10 inte Sale civiche di Cormons, cuntun conciert de virtuose pianiste Martina Frezzotti, la gnove edizion dal Festival “Enoarmonie”, curât de associazion musicâl “Sergio Gaggia” di Cividât, che e à creât une formule che e met dongje la scolte de grande musiche di cjamare e la cerce dai miôr vins dal teritori regjonâl, e no dome. Dut chest, in lûcs dispès stranis pe musiche e plens di incjant: cjasis nobiliârs e modernis, antighis cantinis, che si trasformin in auditoriums speciâi. A ospitâ il debut, un omaç ae femine e al feminin de bande di une artiste che si è formade tal Conservatori di Mosche. (A.I.) – 09.03.2024