Meloni e firme a Pordenon il Pat di coesion cul Friûl-Vignesie Julie

Firmât vuê a Pordenon il pat di coesion de bande dal president dal Consei dai ministris Giorgia Meloni e dal president de Regjon Friûl-Vignesie Julie Massimiliano Fedriga che al conferme, secont il ministri Luca Ciriani, la colaborazion tra guvier e regjons.
“O stanzin in dut 190 milions di euros – e à dit Meloni -, di chescj 16 a jerin za stâts anticipâts par 17 intervents su metude in sigurece dal teritori e risi idrogjeologjic, e ancje inmodernament des rêts de aghe”. “O dîs graciis al president dal Consei Meloni – al à dit Fedriga – par condividi la vision future dal nestri teritori. Il Friûl-Vignesie Julie al è pront a meti in vore lis oparis strategjichis decidudis cul guvier”. (a.d.g.) – 08.03.2024