A Maian il ‘gladiatôr’ Russell Crowe

Ducj lu cognossin par vê interpretât Decimo Massimo Meridio intal cine “Il Gladiatore”, in plui che par tancj altris cines. L’atôr neozelandês Russell Crowe, che un mês indaûr al jere stât sul palc dal Festival di Sanremo par presentâ chê altre sô ativitât, chê di cjantant e musicist, al torne in Italie no par un cine, ma intune cu la sô bande, The Gentlemen Barbers, un grup di amîs che al à tacât a sunâ uns trente agns indaûr. Il prin di Avost al sarà presint al Festival di Maian, ancje chest an une des rassegnis plui interessantis dal Istât furlan, cuntun spetacul che al cjape ispirazion dal grant rock internazionâl e che al viodarà “il gladiatôr” ae vôs e ae ghitare. (A.I.) – 12.03.2024