Une vuide par zirâ 900 chilometris di stradis furlanis in bici

In ocasion de Zornade ecologjiche dal comun di Bagnarie, miercus ai 13 in sale dal consei, aes 8.30 sot sere, e je programade la presentazion dal libri “Veni vidi… Friuli in bici” di Daniele e Manuele Vidi. Jessût par Gaspari, e je une vuide cicloturistiche che e va ae scuvierte dal teritori furlan cun 20 itineraris e tantis propuestis culturâls, storichis, architetonichis e naturalistichis. In dut, a son presentâts 900 km di stradis di pedalâ, o di frontâ ancje a pît, infondâts inte nature tra vilis storichis, cjistiei e borcs rurâi. I avigniments de Zornade ecologjiche a continuaran di vinars ai 15, cuant che al è previodude l’implant di cinc arbui inte scuele primarie “Margherita Hack” di ‘Sevean, fint a domenie ai 17. (A.I.) – 12.03.2024