151
La direzion artistiche de fondazion “Bon”, simpri “a cjace” di gnûfs talents, za daspò de pandemie e veve invidât il Quartetto Indaco, valutât tra i grups talians plui interessants. Sabide ai 16, la stagjon di musiche dal teatri “Luigi Bon” e torne a puartâ a Culugne di Tavagnâ i vincidôrs de medaie di aur – e di altris doi premis – tal “Osaka International Chamber Competition” dal 2023. Il Quartetto Indaco, nassût tal 2007 inte scuele di musiche di Fiesole, al è il prin cuartet talian de storie che al è rivât e vê un ricognossiment cussì grant dentri des competizions de federazion internazionâl dai concors. (A.I.) – 15.03.2024
Foto di L. Ottolini
