Piano City a Pordenon: si torne a sunâ tes corts

A tornin a tacâ i concierts tes corts di “Piano City” a Pordenon, i apontaments cu la musiche classiche che a rivin prime de seste edizion de rassegne dedicade al piano, che si davuelç in Jugn. L’apontament al è domenie ai 17 di Març aes 5.30 dopomisdì te Corte degli Orti (in place della Motta) cun “Vento dell’Est” dal Trio Mirage, formât dai musiciscj albanês Uendi Reka, Enea Nush e Elisa Milo. Il grup, nassût tal 2020 tal conservatori “Tartini” di Triest inte classe di Musiche di cjamare di Alessandra Carani, al sunarà musichis di Rachmaninov e di Smetana pai cent agns de nassite. (A.I.) – 16.03.2024