“Geografie”: a Monfalcon un scandai su la idee dal viaç

Incuintris cui autôrs, leturis senichis, musiche, art, cjaminadis e cines, riflessions che a deventin “mapis” di ogni dì, intun mosaic di esperiencis e pinsîrs, cuntune “rassegne te rassegne” pai zovins. Un centenâr di vôs che si incrosin in cinc dîs, dai 20 ai 24 di Març, e une cuarantine di libris a son al centri di “Monfalcone Geografie”. La seste edizion de rassegne promovude dal Comun di Monfalcon cu la fondazion Pordenonelegge.it, nassude pensant aes nâfs che a partissin di li par puartâ la citât in dut il mont, e je un scandai de societât globâl midiant la idee dal viaç. Il fîl ros di cheste edizion al sarà la analisi dal rapuart fra culture, ecologjie e la gnove economie, par misurâsi cui cambiaments internazionâi e i lôr riflès sul nestri teritori. Intai lûcs dal festival in citât e rivarà une schirie di scritôrs, ma no dome: Susanna Tamaro, Vittorino Andreoli, Giacomo Poretti, Donato Carrisi, Ilaria Tuti, Luca Zaia, Marino Bartoletti, Fabrizio Gatti… (A.I.) – 18.03.2024