A teatri la storie tragjiche de “princesa” cjantade di De Andrè

E je une storie dolorose e tragjiche chê che Vladimir Luxuria – za deputade e di simpri inschiriade in prime linie pai dirits civîi- e puartarà tal Teatri “Verdi” di Gurize martars ai 19: “Princesa” al è il spetacul che Fabrizio Coniglio al à gjavât fûr de storie vere di une trans brasiliane, za cjantade di Fabrizio De André intal album “Anime Salve”. Sorenomenade “Princesa”, ven a stâi Principesse, al jere un fantaçut che no si ricognosseve intal so cuarp e che fin di piçul al voleve jessi une fantate. La vite di Princesa e je finide intal 2000, a 37 agns, tra alcul, droghe e une condane par tentatîf di omicidi. (A.I.) – 18.03.2024