Inviâts i lavôrs pal gnûf puint a Basandiele

A son tacâts i lavôrs par tirâ su’ il gnûf puint dilunc dal torint Cormôr, in vie Zugliano a Basandiele di Cjampfuarmit. L’intervent, finanziât de regjon che e à dât al Consorzio di Bonifica Pianura Friulana 2.650.000 euros pe progjetazion e esecuzion, al fâs part des oparis previodudis dilunc dal torint pe difese de popolazion, dal teritori e des infrastruturis esponudis al fuart risi di une montane.

Come displeât dal diretôr tecnic dal Consorzi, Stefano Bongiovanni, il progjet di ricostruzion dal puint al jere necessari parcè che chel vecjo al riduseve la sezion in câs di montane e la aghe e inagave daurman la strade, come sucedût tal 2014. (a.d.g.) – 18.03.2024