Fogaron a Daçan intune rimesse

I pompîrs di S. Vît dal Tiliment rivâts daurman sul puest a àn distudât lis flamis prime che al fos masse tart, ma a Daçan e je stade tante pôre. L’alarme tor des 5 di buinore, cuant che lis flamis si son impiadis intune rimesse cun dentri dôs autos. Une vore alt il risi che il fûc al fasès tonâ ancje dôs bombulis di gas, a pôcs metris dai veicui. I pompîrs a son rivâts cun dôs autopompis e dôs autobotis, rivant a evitâ che il fogaron al podès cjapâ ancje la cjase dongje. (a.d.g.) – 18.03.2024