173
A son simpri plui puars intal Friûl Ocidentâl. Il dât presentât vuê di matine intal Centri di scolte de Caritas al fevele clâr: a son stadis 511, rispiet aes 323 dal an prime, lis personis rivadis intal 2023 par domandâ jutori. Intal 83 par cent dai câs si tratave di personis o fameis mai viodudis prime.
Cun di plui a àn tucât ae puarte dal centri ancje 265 migrants rivâts de Rote balcaniche, che a àn presentade domande di protezion. Il probleme che al da plui pinsîr al è chel di cjatâ une cjase. (a.d.g.) – 22.03.2024
