Al è stât presentât tal cine “Visionario” di Udin il “Far East Film Festival 26”, la rassegne dal cine popolâr, che e torne in citât dai 24 di Avrîl ai 2 di Mai. Une vore preseât dal public di passionâts di dut il Mont, chest an al conte ben 74 titui che a vegnin di 11 Paîs dal Orient lontan: 15 a saran lis anteprimis mondiâls, 24 chês internazionâls, 19 chês europeanis e 13 chês che si viodaran pe prime volte in Italie. Un grum, come simpri, i ospits: il plui impuartant al è il mitic Zhang Yimou, che ai 2 di Mai al cjaparà sul palc dal Teatri gnûf “Giovanni da Udine” il “Gelso d’Oro”, il premi ae cariere dal festival. La rassegne e sarà une esplorazion de Asie contemporanie, ma a son in program ancje lis conessions economichis jenfri Orient e Ocident (il “Focus Asia”), po dopo ducj i events di no pierdi che a animaran il centri de citât. (A.I.) – 26.03.2024
Ca di un mês, Udin e torne capitâl dal cine orientâl
90