Lis corâls impegnadis pes liturgjiis di “Paschalia”

Il percors musicâl e spirituâl di “Paschalia” al è rivât al moment plui impuartant par ducj lis corâls impegnadis intal acompagnament musicâl des celebrazions liturgjichis. Fint a Pasche, in dute la regjon al è previodût un grant numar di apontaments dal cartelon realizât des corâls de USCI dal F-Vj. Tra i programs proponûts al sarà pussibil scoltâ sedi la prime che la seconde “Missa Pontificalis” di Perosi a Cjavalì e a Caprive, il “Stabat Mater” di Pergolesi a Gurize, oparis mestris dal tart Rinassiment e la “Nicolaimesse” di Haydn a Triest, la messe di Schubert a Raussêt. In provincie di Udin, apontaments e celebrazions liturgjichis ancje a Cuar di Rosacis, Corgnûi e Glemone. (A.I.) – 27.03.2024