115
Dopo il bronç di Chieti e Forlì e l’arint di Ancone, la formazion de gjinastiche ritmiche de ASU, la Associazion sportive di Udin, e je pronte a lâ in pedane par lis “Final Six” a Turin ai 6 e ai 7 di Avrîl, cuant che al sarà assegnât il scudet di serie A1. “Si spietìn il miôr di dutis – al à declarât il diretôr gjenerâl de ASU, Nicola Di Benedetto – parcè che al è chel che a àn dimostrât fin a vuê”. Al novesim an consecutîf in serie A1 (la prime volte e je stade intal 2015), la ritmiche de Associazion sportive di Udin chest an e à viodût la scuadre rinovade in maniere parziâl e formade di gjinastis che a àn rapresentât za la Italie in cjamp internazionâl. (A.I.) – 05.04.2024
