Ae ricercje des ‘bestiis’ tal Museu di Cividât

Si intitule “Bestie longobarde in Luce” (Bestiis langobardis in lûs) l’avigniment speciâl dedicât a frutis e fruts e aes lôr fameis, ultin apontament de decime edizion di “Bestiario Immaginato”, une produzion de Damatrà Onlus. Domenie ai 7, des 2.30 dopomisdì, il Museu Archeologjic Nazionâl di Cividât al vierzarà lis puartis par une visite uniche: acompagnâts de diretore dal museu, Angela Borzacconi, i piçui a laran ae ricercje des bestiis langobardis tra lis stanziis dal museu, par scoltâ storiis di no crodi che a tegnin. Daspò dal percors museâl al sarà inmaneât un laboratori creatîf. (A.I.) – 06.04.2024