Svevo e Pirandello te Biblioteche di Udin

Miercus ai 10, aes 6 dopomisdì inte Sale “Corgnali” de Biblioteche “Joppi” di Udin, presentazion dal libri “Lettere in scena. Italo Svevo scrive alla moglie e a Pirandello” (Letaris in sene. Italo Svevo al scrîf ae femine e a Pirandello) di Paolo Puppa cun introduzion di Romano Vecchiet. L’avigniment, inte suaze dai “Dialics in Biblioteche”, al confronte doi esponents innomenâts de culture taliane dal prin Nûfcent tant che Pirandello e Svevo. L’autôr al fevelarà des traversiis editoriâls patidis di Svevo prime de consacrazion mondiâl cu la publicazion intal 1923 di “La coscienza di Zeno”, e soredut dai leams di Svevo e Pirandello cu la culture europeane. E je previodude ancje une leture seniche, par cure dal autôr, di dôs letaris dai doi scritôrs. (A.I.) – 09.04.2024