Furlan a scuele: si fevele par trê dîs

Mercator, il Centri European di Ricercje sul Multilinguisim e l’Aprendiment des Lenghis cun sede in Frisie (Paîs Bas), al à destinât un dossier su la situazion dal furlan a scuele, che al sarà al centri di trê dîs di cunvigne a Udin dai 11 ai 13 di Avrîl. A jessi tiradis dentri a son la Societât Filologjiche Furlane, la ACLIF (Assemblee di Comunitât Linguistiche Furlane), la Universitât dal Friûl e altris realtâts di prin plan inte promozion e inte difusion de lenghe furlane. Prin apontament cu la cunvigne academiche intal Auditorium “Sgorlon”, po dopo vinars ai 12 a Palaç Belgrado, incuintri cui rapresentants des istituzions viert a dute la citadinance par inviâ un dibatiment su la cuistion, in colaborazion cu la ARLeF e la Regjon F-Vj. (A.I.) – 10.04.2024