Sabide ai 13 Cividât al sarà in rêt cu lis siet localitâts dal sît UNESCO “I Langobarts in Italie. I lûcs dal podê” par une zornade di zûc promovude cul obietîf di presentâ al public, in mût coordenât, lis dôs gnovis mapis langobardis ideadis pal videozûc Minecraft. La iniziative, inmaneade de associazion Italia Langobardorum, si fasarà tal Munistîr di Sante Marie in Val, partint aes 2.30 dopomisdì dal Informacittà. La manifestazion e segne la promozion uficiâl des dôs mapis langobardis pal videozûc Minecraft, di podê scjariâ a gratis in rêt, e al previôt la presince contemporanie dai zuiadôrs partecipants in ognidune des siet localitâts dai Langobarts in Italie. (A.I.) – 12.04.2024
I langobarts a Cividât a deventin un zûc
111