Controi su la cualitât des aghis de regjon fin a Setembar

La Arpa (Agjenzie regjonâl pal ambient) e à inviât i campionaments dilunc de cueste, inte lagune e sui flums par controlâ la cualitât des aghis.

In dut a saran 66 i ponts che a saran controlâts dilunc dute la stagjon balneâr e di chei 55 su cueste e lagune e chei altris intai flums.

L’assessôr regjonâl pal Ambient Fabio Scoccimarro al à confermât la impuartance dai controi: “O visi – al à dit – che dome la Arpa e à la competence e la cualifiche par fâ i campionaments e che nol baste alc comprât su Internet”. I controi a laran indenant fin ai 3 di Setembar. (a.d.g.) – 15.04.2024