62
Doi infortunis vuê in doi implants diferents in Friûl. Il prin al è sucedût a S. Zorç di Noiâr tor 1.30 dopomisdì ae Vdn, aziende specializade te produzion di butiliis di veri, indulà che un operari di 25 agns si è fat mâl intune man intant che al stave fasint lavôrs di manutenzion suntun rodul traspuartadôr.
A Cividât, invezit, un altri operari si è fat mâl dulinvie dal solevament di une plateforme.
In ducj i doi i câs, di là dai carabinîrs al è rivât ancje il personâl de Aziende sanitarie. Nissun dai doi oms al è in cundizions griviis. (a.d.g.) – 18.04.2024
