Arestâts i doi laris che a vevin secuestrât e jemplât di pachis un zovin di Pordenon

Doi talians di origjin marochine, che a vivin un a Cjons e chel altri a San Polo di Piave, a son stâts blocâts de polizie parcè che acusâts di secuestri di persone cun fin di rapine e tentade estorsion ai dams di un pordenonês di 24 agns.

I doi a vevin sierât il zovin dentri di une stanzie intun apartament di Pordenon e par trê oris lu vevin pacât a fuart, par dopo robai un smartwatch e menaçâlu che al varès vût di tirâ fûr mil euros se al veve voie di vê indaûr l’orloi.

Il zovin a Fevrâr al jere lât in Cuesture a Pordenon e al veve denunziât i doi delincuents che se jerin cjapade ancje cul pari e il fradi de vitime. Finidis lis investigazions, Il Pm al à domandât e otignût la custodie cautelâr pai doi. (a.d.g.) – 19.04.2024