Si siere la rassegne di musiche di cjamare in Cjistiel

Si siere martars ai 23 intal Salon dal Parlament dal Cjistiel di Udin la seconde edizion de rassegne di musiche di cjamare “SilenzioMusica festival”. Inmaneade de Fondazion “Luigi Danieli” cu la direzion artistiche di Nicola Losito, e invide a preseâ il podê rigjeneratôr de musiche e il valôr creatîf dal cidinôr. Cu la riflession e la scolte, al sburte il disveâsi des emozions e il dialic jenfri lis gjenerazions, favorint un clime di armonie sociâl produtîf pe comunitât. L’ultin conciert al previôt musichis di Haydn e Mendelssohn sunadis di Lara Boschkor (violin), Erica Piccotti (liron) e Nicola Losito (piano). (A.I.) – 22.04.2024