Un zovin di 24 agns al è muart vuê a buinore pôc dopo des 7 a Lauc, dilunc de strade regjonâl 355 dal Cjanâl di Guart par cause di un scuintri frontâl cuntune altre auto vuidade di une femine che e je restade feride.
La vitime al è Thomas Del Linz di Davâr, che al vuidave une Citroen Saxo bande Tumieç. Al somee di une prime ricostruzion ancjemò di verificâ che suntune curve Del Linz al vedi pierdût il control de sô auto, lant su la corsie opueste indulà che e stave rivant la Ford Fiesta vuidade di Elena Zanier, 48 agns, di Prât di Cjargne.
Sul puest a son rivâts daurman sanitaris, carabinîrs e pompîrs che a àn lavorât une vore par liberâ la femine dai lamarins, puartade dopo intal ospedâl di Udin in codiç ros, intant che pal zovin nol jere plui nuie ce fâ. (a.d.g.) – 22.04.2024
