Screade a Gurize, tal parc Basaglia il gnûf edifici de Asugi clamât “Casa della salute della donna, dell’infanzia e dell’adolescenza”. Si trate di une sielte inovative a nivel talian in graciis di un progjet che al pense ae salût de femine dilunc di dute la sô vite.
La ristruturazion dal edifici e je stade finanziade dal progjet Salute Zdravstvo del Programma Interreg Italia-Slovenia 2013-2020, che al à dât i contribûts ae Gect Go. Inte gnove struture al ven doprât un model organizatîf di continuitât assistenziâl indulà che al centri a son lis ostetrichis che a viodin ce che al ocor e a ricognossin lis situazions che a domandin l’intervent di chei altris specialiscj.
Ven a stâi che il lavôr des ostetrichis si integre cun ducj i professioniscj coinvolts come gjinecolics, psicolics, assistents sociâi, pediatris dai ospedâi e di libare sielte, miedis di medisine gjenerâl e vie disint, oltri che cun dutis lis struturis dal teritori e cui ospedâi. (a.d.g.) – 24.04.2024
