Miercus al prin di Mai al sarà l’ultin svol adestratîf e dopo e tacarà la sessantesime cuarte stagjon acrobatiche de Pattuglia acrobatica nazionale, che e tornarà a svolâ ancje intai cîi dal Nord Americhe par un lunc zîr.
Vie pe matine dal prin di Mai, inte aerobase di Rivolt, sede dal secont Stormo e dal 313° Grup adestrament acrobatic de Aeronautiche militâr, si esibiran lis Frecce Tricolori ae presince di ospits une vore impuartants. La Patulie e proponarà a Rivolt il program che al sarà po presentât in dutis chês altris esibizions denant dai apassionâts che a rivaran di dute Italie e che a fasin part dai Club Frecce Tricolori.
La prime esibizion de stagjon e sarà a Caorle ai 5 di Mai. In regjon lis Frecce Tricolori a svolaran ai 15 di Setembar a Lignan. (a.d.g.) – 29.04.2024
