Un cine metât ‘di diestre’ e metât ‘di çampe’

Dopo il cine sul viaç in Italie dal president Kennedy, la rassegne de Cineteche dal Friûl che e acompagne la mostre “Allo specchio dell’era Kennedy” (Al spieli de ere Kennedy) e va indevant tal mês di Mai tal Cine Sociale di Glemone cun doi esemplis dal cine talian che, al principi dai agns Sessante, al à savût ancje testemoneâ lis vicendis mondiâls, sedi in varis cines di gjenar che in chei di autôr. Miercus al prin di Mai si viodarà un cine di montaç in dôs parts, dividût a metât tra il voli “di çampe” di Pier Paolo Pasolini e chel “di diestre” di Giovannino Guareschi. E ven fûr une des peliculis plui fûr des regulis mai viodudis, “La rabbia” (La rabie, 1963), dulà che Pasolini e Guareschi a rimontin materiâi di repertori dai cinegjornâi dai agns ’50 e dai prins ‘60, dulà che si viodin ancje pape Zuan XXIII, Patrice Lumumba e Marilyn Monroe, di là de vuere dal Vietnam. (A.I.) – 30.04.2024