62
Dopo il debut cul omaç di Gioele Dix a Giorgio Gaber, e jentre intal vîf la stagjon teatrâl di For disore, che vinars ai 3 e ospite ae Ciasa dai Fornés i atôrs Fabian Fantini, Claudio Moretti, Elvio Scruzzi dal Teatro Incerto e Martina Delpiccolo, protagoniscj di “Cumbinin – intrics e poesiis”, un spetacul che dal so debut al principi dal 2023 al à fat segnâ une lungje serie di “dut plen” intai teatris dal circuit ERT. La stagjon e larà indevant ai 17 di Mai cun Debora Villa e il so monolic comic “Tilt” e si sierarà ai 7 di Jugn cui musiciscj matarans de Banda Osiris e il professôr Telmo Pievani tra lizerece e sientificitât. (A.I.) – 02.05.2024
Foto di E. Falaschi
