Blocât a Codroip om che al faseve la spese intal supermarcjât za sierât

Un citadin libic che al vîf a Codroip al è stât denunziât a pît libar îr sore sere dai carabinîrs dopo vêlu cjatât dentri dal negozi de Coop di vie Cesare Battisti. Cun dut che il puest al jere sierât, l’om al è jentrât dal supermarcjât sfuarçant un barcon. Il so tentatîf di fuide ae rivade dai carabinîrs al è stât dibant: lu àn cjapât cun 150 euros di robe di mangjâ cjamâts intun carel. (a.d.g.) – 02.05.2024