Pôc prime de miezegnot al è sclopât un fûc a Sapade inte borgade Muhlbach, indulà che lis flamis a vevin cjapade dute une cjase doprade pes vacancis e par fortune vueide. I pompîrs, rivâts daurman a pene clamâts di un vicin di cjase, a son rivâts a blocâ il fûc prime che al tacàs la abitazion dongje.
Al somee che lis flamis si sedin impiadis inte part basse dal imobil, indulà che si cjate la cusine e la sale, e di li a sedin ladis su’ ae svelte fiscant dal dut il cuviert e la mobilie.
Sul puest i Vigji dal fûc di Tumieç, dal comant di Udin, di Rigulât, For Davôtri e Sapade, judâts ancje dai coleghis dal comant di Belum, soredut chei di S. Stiefin dal Cjadovri.
Une vore dificilis lis operazions di distudament. Il fûc al è stât studât tor des 3 di gnot, ma il lavôr par meti dut in sigurece al è lât indenant par dure la matine. (a.d.g.) – 03.05.2024
