Un omaç a Michael Jackson cu la sô ghitariste

Al rive a Udin “Michael – The Show”, un dai spetacui internazionâi plui cuotâts dedicât ae musiche, ae vite e ae liende dal re dal pop, il grant Michael Jackson. Protagonist sul palc dal Teatri Gnûf “Giovanni da Udine”, martars ai 7, al sarà Wendel Gama, imitadôr brasilian bon di cjapâ la anime uniche di Michael Jackson. A impreziosî il spetacul, i balarins, la orchestre e la band che a sunin dal vîf, cu la ghitariste Jennifer Batten, storiche musiciste di Jackson ator pal mont vie pai agns Otante e Nonante. (A.I.) – 06.05.2024