La tecnologjie e jude il teritori

Trê zornadis penzis pai finaliscj de tierce edizion di “Percorsi spericolati” (Percors ardôs), il progjet de fondazion Pietro Pittini fat in graciis dal contribût de Fondazione Friuli e nassût par favorî un scambi tra realtâts inovativis che a son intes areis internis dal Friûl-Vignesie Julie e un grup di zovins formâts e pronts a sperimentâ tant che “agjents di valorizazion teritoriâl”. Joibe ai 9, vinars ai 10 e sabide ai 11, la Badie di Rosacis in Comun di Manzan e darà acet a 50 zovins selezionâts pal avigniment finâl, che a vegnin di 14 regjons diviersis. Dopo la prime zornade a “puartis sieradis”, dedicade aes presentazions e ai lavôrs di grup, cualchi moment dal program al sarà viert al public in forme gratuite: par esempli, l’avigniment di sierade di vinars e chel di sabide dedicât ai “Keynote Speech”, ven a stâi aes oportunitâts ufiertis des tecnologjiis digjitâls. (A.I.) – 07.05.2024