La gjornaliste, scritore e reporter di vuere Francesca Mannocchi e je la protagoniste, miercus ai 8 a Udin, de seconde zornade dal festival “vicino/lontano”, in cartelon cu la sô vincjesime edizion. “Contâ i conflits vuê”, aes 9 sore sere inte Glesie di S. Francesc, e sarà la ocasion par rifleti cuntune gjornaliste che intai siei reportage dai teatris di vuere e favorìs simpri lis storiis des personis inte lôr esperience concrete di vitimis indifesis, parcè che – e sclarìs – “al è sul cuarp che si scrîf la veretât des vueris”. Intal stes lûc, un pâr di oris prime, a rivocaran notis di pâs. Cul conciert “Da Pacem Dumine. Musiche di pâs” de zovine orchestre Filarmonici Friulani direte di Felix Hornbacher, un apel in musiche par domandâ concuardie tra i popui. (A.I.) – 07.05.2024
Foto di C. Pasqualini
