55
Il “Verdi” di Triest e la fondazion “Luttazzi” a celebrin joibe ai 9 il gjeni ecletic dal triestin Lelio Luttazzi, a 101 agns de nassite, cuntun conciert in part sinfonic, che in bande de orchestre dal Teatri liric direte di Piero Mianiti al viôt al plan Danilo Rea, un dai massims jazziscj talians di vuê. Jazzist, diretôr di orchestre, compositôr, atôr, autôr, artist complet in musiche, Luttazzi al à vivût une vite tant che un romanç, lant fûr de regjon fint a Milan, dulà che al à scomençât une cariere straordenarie che lu à viodût protagonist de rinassite artistiche taliane dopo la vuere, dal teatri ae radio, de television al cine, ancje tant che atôr e autôr. (A.I.) – 08.05.2024
Foto di A. Raffin
