Cormons al siere il teatri cul musical di Elvis

Dopo il sucès tal forest, al torne in Italie “Elvis The Musical”, il spetacul scrit e diret di Maurizio Colombi, regjist di grancj sucès a teatri, che al à debutât intal 2017, a cuarante agns de muart di Elvis Presley e al à concuistât daurman i apassionâts dal re dal rock. Il spetacul al sierarà cuntun grant plenon, in esclusive regjonâl, la stagjon dal Teatri comunâl di Cormons joibe ai 9 di Mai. In sene, la storie di Presley e sarà puartade indenant di trê figuris: Elvis frut, di zovin e l’artist dopo il 1968. Il musical al ripasse la biografie dal cjantant traviers un periodi storic di passe cuatri gjenerazions, dai agns ‘50 fint ai agns ‘70. (A.I.) – 08.05.2024