Filmâ e fotografâ cui telefonuts e i tablet i lûcs urbans e i ambients naturâi, stradis e palaçs particolârs dal nestri teritori, par contâ cun voi gnûfs lis vicendis di oms e feminis dal Nûfcent e lis sieltis che a àn puartât al mont di vuê. Lu àn fat i students e lis studentis che a àn partecipât ae prime edizion di “Cellulari accesi. Ciak si gira” (Celulârs piâts. Clac si zire), un progjet di “storie e memorie intun percors dut gnûf di studi fat cui celulârs, pes scuelis secondariis di secont grât dal Friûl, inmaneât dal Comitât provinciâl de Anpi (Associazion nazionâl partesans di Italie) di Udin in colaborazion cu la Aned (Associazion nazionâl ex depuartâts intai cjamps naziscj). Des 9 di matine di sabide ai 11, ducj i videos in gare a saran presentâts sul grant schermi dal cine Visionario di Udin; tal ultin, la premiazion dai concorints. (A.I.) – 10.05.2024
I cines dai students fats cui telefonuts
51