Frankenstein di ridi, ma ancje par pensâ

Dopo il debut li dal “Teatri Palamostre” di Udin cuntun grant sucès di public, sabide ai 11 i Amîs dal Teatri di Dartigne a ospitin la Associazion culturâl ‘Colori&Musica’ che, a trente agns de nassite, e torne a cjalcjâ lis senis cuntun gnûf musical: “Le folli notti del giovane Frankenstein” (Lis gnots matis dal zovin Frankenstein). Il pont di partence al è il libri classic di Mary Shelley “Frankenstein” e al conte lis aventuris tragjicomichis di Frederick Frankenstein, nevôt dal baron Victor von Frankenstein. Pûr jessint un musical comic, al rive a tocjâ doi argoments etics impuartants e cetant atuâls: la aspirazion dal om di cjapâ la volte di Diu e la pôre dal “diviers”. (A.I.) – 10.05.2024