Siet setemanis di lavôr, par un totâl di 420 oris, cun professioniscj di innomine nazionâl e internazionâl. Il gnûf cors di alte formazion de compagnie di danze contemporanie Arearea di Udin, rivât ae seste edizion, al à in program ancje visitis a museus, incuintris cun musiciscj e operadôrs, lezions di storie de danze, partecipazion a spetacui e avigniments culturâi. Il cors pensât di Marta Bevilacqua e Roberto Cocconi, i diretôrs artistics de compagnie, al ufrirà ai partecipants (residents in Italie, dai 18 ai 30 agns) un program di studi dal Otubar dal 2024 fint al Lui dal 2025. Ogni cicli si sierarà la sabide di sere cuntune prove vierte al public, par cure dal coreograf ospit. (A.I.) – 13.05.2024
Foto di A. Durigotto