Friûl, tiere di musiche e di cjants

Il Friûl-Vignesie Julie e je di simpri une crosere di culturis che a àn lassât un patrimoni impuartant di storie e di culture. Di un pont di viste etnografic e musicolic, al ufrìs une ricjece di contribûts leade aes diversitâts culturâls de regjon. Il progjet “Friuli musica e canti, crocevia dei popoli” (Friûl musiche e cjants, crosere dai popui”), in program martars ai 14 aes 9 sot sere inte biblioteche “Nico Naldini” di Cjasarse, par cure di Nicola Milan e de Compagnia di Arti e Mestieri, al documente la realtât culturâl e musicâl dal F-Vj midiant testemoneancis di personis che a son ancjemò custodis di une tradizion musicâl, dongje di esecuzions dal vîf e contis. Di une bande a son duncje lis testemoneancis che, se no documentadis, a van a pericul di jessi pierdudis e di chê altre si valorize la inovazion, cirint di atualizâ la lenghe, i costums e i ûs intal rispiet de tradizion, fasintju fruibii pes gnovis gjenerazions. (A.I.) – 13.05.2024