Il mît dai Kennedy in doi cines a Glemone

I doi gnûfs apontaments de rassegne dedicade ae ete dai Kennedy, tal “Cine Sociale” di Glemone, paralele ae mostre inmaneade tal Cjistiel dal Comun cu la Cineteche dal Friûl, a metin adun dôs oparis fondamentâls par capî il mît di Kennedy inte gjeografie internazionâl, ancje in epochis cetant daspò de sô curte presidence. Il cine che si viodarà miercus ai 15 al è “Nel regno di Napoli” (Intal ream di Napoli) opare taliane di ambientazion napoletane, direte di un dai massims regjiscj todescs, Werner Schroeter, che al conte il viaç in Italie di Kennedy, soredut tant che icone di une sperance di salvece. Miercus ai 22 si passe al ream di Camelot, il mît fondadôr de presidence Kennedy e la passion di John, Jackie e Robert. (A.I.) – 14.05.2024