103
La decime prime edizion de “Setemane de culture furlane” promovude de Societât Filologjiche Furlane cun passe 200 events e va indevant joibe ai 16 cu la cerimonie di consegne dal Premi “Chino Ermacore” a Tarcint, aes 5 dopomisdì tal teatri “Margherita”. In memorie dal scritôr furlan, ogni an a vegnin premiâts i miôr progjets didatics des scuelis de infanzie, primariis e secondariis di prin grât che si riferissin a lenghe, storie, ambient, teritori, dissiplinis didatichis, culture e tradizions dal Friûl. Tra chei altris avigniments, a Udin te biblioteche “Joppi” e sarà la scree de mostre “Ecos dal Cotonifici” (Echi dal Cotonificio), dedicade ae archeologjie industriâl dal Nûfcent. (A.I.) – 15.05.2024
