Lignan e je pronte par dâ acet a miârs di zovins che a rivaran soredut di Austrie e Gjermanie dilunc dal fin de setemane pes Pentecostis. La aministrazion comunâl e à scrit la ordenance che e sarà valide des 8 di matine di doman fintremai al misdì di lunis ai 12 di Mai.
No si podarà vendi o dâ di bevi robe in veri o inte latine infûr che pal servizi su la taule. La vendite e la soministrazion di alcolics si podarà fâ fin aes 3 di gnot e dopo no si podarà fin aes 6 de buinore.
No si pues bevi alcolics in lûcs vierts al public. Pe musiche no si podarà sunâle cun implants dopo de une di gnot, intant che tai locâi si podarà sunâle fin ae une di gnot o aes dôs cun implants controlâts. A saran in vore pai controi agjents e ancje vuardiis privadis su la splaze. (a.d.g.) – 15.05.2024
