Dôs ruedis di poesie

Al va indevant fint a sabide ai 25 di Mai il spetacul ideât e inmaneât dal regjist, atôr e scritôr Dino Persello, sburtât de sô passion pal ciclisim e in spiete de tape furlane di vinars ai 24 di Mortean a Sapade. Par nûf seradis, “Ciclismo e poesia” (parcè che “chê de biciclete e je la sole cjadene che nus rint libars”) al conte une passion passade a Dino Persello di so pari, di ricuarts in blanc e neri, ma ancje di “une societât che e masane dutis lis robis come lis ruedis a fasin cui chilometris”. Il spetacul, tra passât e dì di vuê, al fevele ancje di cui che tai ultins 18 agns al è rivât a puartâ in Friûl il Zîr de Italie, Enzo Cainero, misturant ricuarts, emozions, passion, ancje cuntun tic di musiche. Prossime ‘tape’: martars ai 21 a Udin, inte sale teatrâl di Cussignà. (A.I.) – 20.05.2024