“èStoria” a Gurize: incuintris fint a domenie

E tache joibe ai 23 e e va indevant fint a domenie ai 26 la vincjesime edizion di “èStoria”, il festival internazionâl de storie che al à contât vie pai agns, intun cun esperts e studiôs di dut il mont, la complessitât dal passât e dal dì di vuê, frontant temis tant che lis feminis, lis epidemiis, lis fameis, lis migrazions. Cheste edizion e je dedicade aes datis, un teme trasversâl par rifleti ducj insiemi sul percors fat fin cumò e par cjalâ al avignî intune maniere gnove. Lis datis a son i pilastris che a fondin la nestre cognossince de storie e a saran frontadis cuntun program di cuatri dîs intai lûcs principâi de culture dal centri di Gurize, lant daûr di une traietorie che e tache dal “Big Bang” e e rive al dì di vuê. Come ogni an, al sarà ospit de manifestazion cualchi specialist dai plui innomenâts a nivel internazionâl, dongje di gjornaliscj e inteletuâi tant che Federico Rampini, Marco Travaglio, Sergio Romano… (A.I.) – 23.05.2024