Leturis a vôs alte in place a Palme

Sabide ai 25 e domenie ai 26 di Mai e torne a Palme la novesime edizion di “Lector in Palma”, une manifestazion ideade e organizade de associazion culturâl Libermente APS. Par doi dîs, la leture a vôs alte – che chest an e je dedicade al teme “cjatâ chel altri” – e rimbombarà intai spazis ator de Place Grande. Lis peraulis di scritôrs e di poetis, che di simpri a àn frontât chest teme, a metaran in discussion dal profont lis fondamentis de nestre identitât e nus invidaran a rifleti sul teme, declinât in ducj i siei aspiets. (A.I.) – 24.05.2024