Omaç a Luttazzi ancje tal “Giovanni da Udine”

Ultime tape dal omaç sinfonic a Lelio Luttazzi, in ocasion dal centenari de nassite: dopo il sucès di Pordenon e di Gurize, apontament martars ai 28 tal Teatri gnûf “Giovanni da Udine” cu la FVG Orchestra intun conciert sore nuie. Un avigniment là che vôs e musiche si fondin traviers la rielaborazion in clâf sinfoniche di cualchi vecjo sucès di Luttazzi. Sul palc la Orchestre regjonâl sinfoniche vuidade di Valter Sivilotti, adun cun Daniela Spalletta (vôs), Glauco Venier (piano), Alfonso Deidda (saxofon), Mirko Cisilino (trombe) e tancj altris, intun conciert che al è un omaç al Luttazzi musicist, diretôr di orchestre, pianist, presentadôr televisîf, atôr, regjist e scritôr, che al à fat la storie dal nestri Paîs passant cun lizerece di un secul a chel altri. (A.I.) – 27.05.2024