Meti a puest Terrazza a Mare al è un invistiment impuartant pe Regjon, che al pant trop che al sedi util no dome pe citât di Lignan ma ancje pal turisim, parcè che cheste struture e judarà a fâ cressi la capacitât di atrai dal Friûl-Vignesie Julie. Chest al è ce che al à dit vuê il president Massimiliano Fedriga dilunc de cerimonie par dâ il vie ai lavôrs di ricualificazion de Terrazza a Mare, un dai lûcs simbul dal F-Vj, presints ancje il sindic di Lignan e l’assessôr regjonâl aes Ativitâts produtivis.
Cuntune spese di 14 milions, i lavôrs a saran fats soredut dilunc dal Autun e dal Invier cu la ricualificazion antisismiche e energjetiche dal edifici, la costruzion di une pissine insom al pontîl, il slargjament de terace e a saran metûts a puest ducj i spazis internis e cussì i furniments. Si ponte a finî i lavôrs dentri dal Istât dal 2026; l’apalt al è stât dât ae imprese venite Setten Genesio Spa. (a.d.g.) – 27.05.2024
