Une contestoriis moderne cu la machine fotografiche

ll Fotoclub Skupina75 di S. Florean dal Cuei al invide miercus ai 29 aes 8.30 sot sere ae scree de mostre fotografiche antologjiche “Storyteller” de socie Loredana Princic, inte Galerija75 de Cjase de culture. La mostre, inricjide dal catalic cu lis fotografiis e il test di acompagnament de critiche Lorella Klun, e puarte indaûr ai timps li che i contestoriis a passavin placis e paîs, contant storiis e fats contemporanis che, adatâts e rielaborâts dilunc dal lôr torzeonâ, a levin a inricjî il bagai culturâl, folcloristic e sociâl de comunitât. Loredana Princic e podarès jessi di fat une moderne contestoriis che di agns e dopre dut câs une machine fotografiche. (A.I.) – 28.04.2024